As Bolboretas Laretas

Xa levamos un mes de curso.

2011-10-14T10:26:00.003+02:00

Xa levamos un mes de curso. Xa xoñecemos o noso colexio e aos nosos compañeiros de aula. Aquí comeza a nosa aventura.

Chegan as vacacións.

2011-06-22T23:37:00.002+02:00

Un ano máis chegan as vacacións de verán e con elas o momento de despedir o curso, e fixémolo como se merece, bailamos, cantamos, merendamos e ata tivemos entrega de orlas (so os/as de 5 anos) e diplomas.
Agora é tempo de xogar, de ir a praia, de durmir pola mañá... pero tamén é tempo de despedidas, ou mellor, de dicir ata sempre. Comeza unha nova etapa,unha nova aventura, para vos e para min e só bos podo dicir que vos lembrarei sempre. Grazas por este tempo que pasamos xuntos, e grazas tamén as familias e ós meus compañeiros/as, por poder contar sempre con vos. ATA SEMPRE!

Aniversarios de xuño.

2011-06-16T23:45:00.003+02:00

Hoxe celebramos os cumpreanos de Lucía e anticipamos o de Claudia e Miriam, que cumpren nas vacacións de verán. Nas fotos podemos ver como foi a celebración.

Xardín Botánico de Lourizán.

2011-06-15T17:30:00.003+02:00

Hoxe, para ir rematando o curso, fomos de excursión ó Xardín Botánico de Lourizán, e malia ameaza de chuvia, ó final puidemos percorrelos, observando algunhas das especies de árbores que nel habitan, as covas, os xogos de auga, o invernadoiro...

As Bolboretas.

2011-06-09T22:30:00.002+02:00

Esta semana, despois dunha longa espera, por fin puidemos ver as nosas bolboretas, o luns tiñamos unha, o martes outra, pero a terceira non acaba de rematar o seu proceso de metamorfose... Vimos como eran os vermes, como e que comían, como se envolveron no seu casulo e agora vemos as bolboretas, os seus ovos, os seus movementos... Sen dúbida unha pequena-gran experiencia.

Unha eiruga moi larpeira.

2011-06-01T23:50:00.003+02:00

Como sabedes temos na aula uns vermes de seda e estamos esperando a que saian do seu casulo convertidos en bolboretas, e mentres tanto estamos traballando co conto "Unha eiruga moi larpeira",do escritor Eric Carle, unha eiruga a que lle pasa o mesmo que ós nosos vermes de seda. Se premedes na palabra video podedes ver o conto en formato video,está en inglés, pero entendese perfectamete e se premedes en lim iredes a un xogo lim elaborado por unha profe do CEIP Ría de Vigo.

Aniversarios do mes de maio.

2011-05-25T00:36:00.000+02:00

Dia das Letras Galegas.

2011-05-23T23:37:00.004+02:00

A semana pasada celebramos na escola a semana das Letras Galegas, adicada nesta ocasión a Lois Pereiro. O venres fixemoslle unha pequena homenaxe ó autor, na que os nenos/as de infantil lle cantamos ó maio que previamente fixéramos con papel.
Espértate maio,
que tanto durmiches,
pasou o inverno
e non o sentiches.
O maio maiado,
o maio do amor...

Vermes de seda.

2011-05-18T23:04:00.004+02:00

O xoves da semana pasada volveu, das súas longas vacacións, a nosa amiga a bolboreta Rita, pero viña con acompañantes, trouxo consigo a tres vermiños de seda, díxonos que son moi larpeiros, que están todo o día comendo follas de moreira, e non nos enganaba, o xoves xa eran grandes pero hoxe pola mañá érano moito máis e xa non lles quedaba comida, ademáis faltábanos un, miramos e miramos pola caixa e non o viamos por ningún lado, ata que nos demos conta de que había un pequeno casulo de cor amarelo, no que fixandonos ven vimos que estaba o verme que nos faltaba (á última hora da mañá xa non se vía nada). Quédannos uns cantos días para ir observando que lle pasa a este e ós outro vermiños.

Lim clase de 3 anos.

2011-05-03T13:50:00.003+02:00

O maio.

2011-05-03T13:15:00.005+02:00

Acaba de comezar o mes de maio e, para celebralo, estivemos preparando no cole un maio con papel pinocho e debuxos coloreados polos nenos/as, algún ata se animou a meterse dentro del para axudar a montalo.

Esculpindo Galiza.

2011-05-02T23:43:00.005+02:00

A asociación cultural ANDARELA organiza un concurso, "Esculpindo Galiza", con motivo da celebración do día das Letras Galegas, e todo o ciclo de Educación Infantil decidimos participar facendo unha maqueta da praia da Lanzada con plastilina. A nós tocounos preparar a base, nas fotos podedes ver como traballamos e o resultado final. O 17 de maio saberemos quen son os gañadores, pero como o importante é participar, todos recibiremos un diploma por colaborar nesta actividade.

O planetario.

2011-04-11T23:46:00.005+02:00

O xoves tivemos no cole un planetario móvil no que puidemos ver os diferentes astros que hai no noso ceo(estrelas, planetas, satélites), a duración do día e a noite, o paso das estación... presentado de xeito sinxelo e atractivo para os máis pequenos.

Excursión a Apípolis.

2011-04-01T00:54:00.003+02:00

Xornadas de Educación Vial.

2011-03-30T17:43:00.006+02:00

Estes días están polo cole dous policias locais de Sanxenxo dándonos unhas nocións básicas de educación vial, e como xa sabemos moito hoxe tivemos unha clase práctica nun circuito preparado para a ocasión. O semáforo respetámolo moi ben, pero cas sinais de tráfico imos ter que seguir practicando na casa, porque temos máis dificultades.

As abellas.

2011-03-22T23:53:00.006+01:00

Chega a primavera e con ela empezan a aparecer animaliños que ata o de agora andaban algo agochados, entre eles as abellas, por iso aproveitamos esta situación para aprender cousiñas delas, e en esas estamos. Nas fotos temos algúns dos traballiños que estamos facendo, pero como para aprender ben as cousas hai que vivilas, para rematar o proxecto, imos ir de excursión a Apípolis, a convertirnos en auténticos apicultores.

Entroido no colexio

2011-03-15T11:43:00.001+01:00

Estas son algunhas das fotos da festa de entroido do cole, como xa sabedes iamos difrazados de vagalumes, ou lucecús, un amimaliño moi singular que vive nos nosos bosques, temática a que adicamos este curso o entroido. E como a festa nos gusta moito, o xoves tamén viñemos disfrazados á escola, tiñamos de todo, princesas, leóns, policias, bruxas, homes do lume...

Mercores de Entroido.

2011-03-02T22:58:00.005+01:00

O mandadiño que tiñamos hoxe dicía:
Se con bo pe queres entrar,
neste cole tan especial,
con zapatos diferentes,
o mércores tes que chegar.
E como podedes ver, somos moi obedientes, e ahí están os nosos zapatos, a ver se sabedes de quen é cada un.
Pero como a troula nos gusta moito, estivemos facendo unha diadema de indio/a, para levar para a casa, e por suposto tamén nos pintamos un pouco,e mañá, máis.

Martes de Entroido.

2011-03-01T17:49:00.003+01:00

Cada vez está máis preto o entroido, e nós para recibilo como se merece, estamos cumprindo ó pé da letra o seu mandadiño, o de hoxe estaba claro:
Martes...
A festa ainda agarda,
a ver quen nos amosa
a súa máis belida garganta.
E para mañá, xa sabedes, tocan os zapatos cambiados.

Luns de Entroido.

2011-02-28T20:01:00.003+01:00

Recorda, recorda,
o entroido está á porta.
Trae na cabeza o que che peta.
Chapeu, pañoleta ou morrión,
non facemos distinción.

Cambados.

2011-02-23T23:07:00.004+01:00

Hoxe foi un gran día, fomos de excursión a Cambados, e iso de sair do cole é algo que nos gusta moito. Primeiro estivemos no Museo Casa do Pescador, alí ensinaronnos os aparellos que empregaban antes, e algúns dos que seguen a usar na actualidade, os pescadores e mariscadoras das nosas rías. Despois fomos dar un paseo polo barrio dos pescadores,donde fomos ata a Torre de San Sadurniño, e puidemos ver as mariscadoras que se dirixían ó seu traballo.Tamén vimos algo que xa non é moi frecuente nos nosos días, unha señora lavando a roupa no lavadoiro, e por último fomos a xogar un pouquiño a un parque que había por alí.

E ó final durmiu!

2011-02-17T20:17:00.003+01:00

Despois de moitas tardes tentándoo o sono, ó final esta foi a vencida e Alex quedouse durmido, para que estivese ben agusto preparámoslle unha cama moi confortable e estivemos moi caladiños, vixiando o seu doce sono.

A pizarra máxica.

2011-02-15T00:11:00.003+01:00

Dende o pasado venres temos na aula unha pizarra moi especial, nela podemos facer moitas cousas, actividades, ver películas, escoitar música, xogar... Dende logo vai ser un instrumento moi interesante e atractivo, tanto para os nenos/as como para os mestres/as.

Celebramos o Día da paz.

2011-01-31T22:54:00.004+01:00

Hoxe celebramos no cole o Día da paz, para elo todo o colexio fixemos unha "Marcha pola paz", que consistiu nun paseo pola Lanzada, escribir a palabra paz con area, ler un "manifesto" e cantar unha canción todos xuntos.

Que estamos facendo?.

2011-01-25T23:52:00.006+01:00

Levamos unha semana na que estamos facendo moitas cousas, fomos a un taller de pop up, estamos preparando as cousiñas para o día da paz, os nenos/as de 6º léronnos un conto no recreo, e a partir de agora vano a facer cada recreo dos mércores, estamos aprendendo cousas do Polo Norte e os seres que viven nel (esquimós, osos polares, pingüíns...), se tedes pola casa algo relacionado con este tema (contos, libros, revistas...) podedes traelo o cole para que o vexamos todos.

Os agasallos dos Reis Magos.

2011-01-11T16:30:00.002+01:00

Hoxe trouxemos ó cole algúns dos agasallos que nos deixaron os Reis Magos, e estivemos xogando con eles. Había instrumentos musicais, coches, autobuses, motos, bonecas, sets de perruquería, foi unha boa oportunidade para compartir algo propio cos demáis.

Os sete ananiños.

2010-12-22T18:04:00.003+01:00

Aquí vedes o guapísimos que estabamos hoxe no noso primeiro festival de Nadal, si!, somos os oito ananiños de Branca de Neve. Despois de tanto traballar agora tócanos descansar un pouco e desfrutar do Nadal. Boas vacacións.

BO NADAL!

2010-12-21T13:42:00.003+01:00

Dende a clase das Bolboretas Laretas queremos desexarvos a todos un Bo Nadal e feliz aninovo, e que Papá Noel e os Reis Magos veñan cargados de regalos.
Vémonos en xaneiro e esperámosvos mañá (mércores)as 11h, para a estrea mundial de "Branca de neve e os sete ananiños".

Chega o Nadal.

2010-12-14T18:46:00.003+01:00

Despois de tanto tempo, estamos aquí de novo, levamos unhos días moi atarefados, porque xa estamos no Nadal e tivemos que decorar os corredores do cole, a aula, os ensaios para o festival...e algunha que outra sorpresa máis.
No blog "Cando o mar peta na porta", podédes ver como está de engalanado o cole, por certo, moitas grazas ós papás e mamás que nos axudaron cos adornos do corredor.

Paul Klee.

2010-11-23T17:10:00.004+01:00

Hoxe estivemos traballando cun cadro do pintor Paul Klee, "Senecio". Antes de explicarlles de que se trataba estivemos falando do que lles parecía esa imaxe, as opinións foron variadas, algunhas delas son as seguintes:

NICOLÁS: Es el espejo de la bruja.
CLAUDIA: Es un círculo.
CANDELA: Es una cabeza de lunita, redonda como una pelotita.

NICOLÁS: Es una calabaza.
PROFE: ¿Por que?.
CANDELA: Porque es naranja.

MARIO: Está hecho con pintura.
CANDELA: Parece un árbol redondito, los árboles también son redondos y las castañas.

Despois de moito falar puxemonos mans a obra, e pintamos como o facía Paul Klee, aqui podedes ver as nosas obras.

O magosto.

2010-11-18T20:15:00.003+01:00

Hoxe celebramos o magosto, e como en toda festa non faltou a música, o baile e a comida, que, non podendo ser doutro xeito, foron as castañas asadas, e froitos do outono que os nen@s trouxeron da súa casa, e logo para rematar máis baile e xogos.

O mar.

2010-11-17T23:23:00.005+01:00

Hoxe estivemos xogando ós exploradores, cando saimos ó recreo escoitamos un ruido moi raro e fomos polo patio para averiguar de que se trataba. Resulta que era o mar, facía aire e as ondas batían con moita forza. Foi todo un descubrimento, xa que non sabiamos que tiñamos o mar tan cerca.

Preparamos o magosto.

2010-11-15T23:25:00.004+01:00

O vindeiro xoves imos celebrar no cole o magosto, e estamos preparando unhas bolsiñas para coller as castañas. Aproveitando isto estamos aprendendo moitas cousas do outono, froitos típicos, festas, cantigas, poesías...

Decoramos o cole.

2010-11-08T17:46:00.005+01:00

Estes días no cole andamos moi ocupad@s, temos a exposición do V concurso de plástica "Que baile o tropo", na que se poden ver os diferentes traballos que fixeron os colexios de Sanxenxo sobre as buxainas. Nós fixemos un trompo xigante, que nos quedou moi bonito.
Ademáis estamos a decorar o corcho da entrada do cole,cada ciclo encargarase dun mes, a infantil tocounos setembro, que adicamos á "Volta ó cole".
E seguindo coa decoración do outono, fixemos unha leira de millo, con espantallo e todo.

A comer rosquillas.

2010-10-28T23:26:00.007+02:00

O xogo que máis nos gustou da festa de Samaín foi a caza das rosquillas, estas estaban colgadas dun fio e había que comelas sen usar as mans, era un pouco dificil, pero a recompensa valía a pena, estaban boísimas. Algún fixo algo de trampa, ou mellor, máxia, que hoxe é día de bruxas.

Hoxe é Samaín.

2010-10-28T23:10:00.004+02:00

Hoxe pola tarde celebramos no cole o Samaín, e este encheuse de bruxas, demos, vampiros, esqueletes, pantasmas... todo tipo de seres arrepiantes!.
Tivemos festa rachada, baile, xogos, concursos de cabazas e de disfraces...Pasámolo moi ben!

Chega o Samaín

2010-10-28T20:35:00.003+02:00

Ó longo de toda a semana estivemos a traballar moitísimo, para decorar a clase e a escola para a festa do Samaín.
Fixemos caretas de cabazas, pantasmas, morcegos,trouxemos cabazas decoradas ó cole... Quedounos TERRORIFICO!!!

Cumple de Brais e Alex.

2010-10-26T16:50:00.003+02:00

Hoxe celebramos o cumple de Brais e Alex. Foi unha mañá moi atarefada, preparamos os debuxos para os libros que lles regalamos, decoramos as coroas, tomamos a merendola, con torta incluida e, como en toda boa festa, bailamos e cantamos. Felicidades rapaces!!!.

O acquarium.

2010-10-26T11:44:00.004+02:00

O xoves pasado fomos ó acquarium do Grove. Alí vimos moitos tipos de peixes e animais mariños (sargos, meros, xurelos, atúns, morenas, estrelas de mar, camaróns...), pero o que máis nos gustou foi o tiburón e o peixe paiaso (Nemo), ademáis tivemos a oportunide de tocar un rodaballo.

Pequenos artistas.

2010-10-18T18:17:00.005+02:00

Estos días estamos empezando a decorar o cole e a nosa aula non pode ser menos, por iso coloreamos entre todos unha cabaza enorme e estampamos as nosas mans, a modo de follas, para decorar o corcho da aula. Quedounos moi ben! Somos uns grades artistas!!!.

Manchitas

2010-10-18T17:55:00.005+02:00

Este é Manchitas, a mascota de Saray, é un hamster con moi malas pulgas, estaba moi enfadado e agochouse no tubo da gaiola, conseguimos que saira del, para velo ben, soprandolle moi forte e unha vez que estivo fora chillounos todo o tempo. Come todo tipo de cereais, millo, pipas e cacahuetes, pero o que máis lle gusta é que non o moleste ninguén.

Máis mascotas

2010-10-13T10:50:00.004+02:00

Os nenos de 4º de primaria seguen a traer as súas mascotas ó cole, e o pasado venres viñeron a ensinarnos outra, é unha coelliña de tres meses, que estaba un pouco nerviosa e non a puidemos sacar da xaula. Ten un nome un pouco curioso, chámase Sara Carbonero.

Unha tarde de pintura

2010-10-13T10:30:00.004+02:00

Este xoves pola tarde estivemos a pintar un pouco, pero xa se sabe como son as cousas, ia ser co dedo e ó final rematamos metendo a man enteira,é unha tentación moi dificil de resistir!.
Pero non pasa nada, imos ó baño e lavamos as mans e xa está.

Carlos e a súa tartaruga.

2010-10-07T00:08:00.005+02:00

Hoxe tivemos unha visita moi especial na clase, Carlos, un neno de 4º de de Primaria, veu a presentarnos a súa mascota, unha tartaruga, e contounos cousas dela.
Non soubemos como se chama porque na casa ten 4, e como son tan parecidas non as diferencia, agora xa ten moitos anos, cando a levaron para a casa era moi pequeniña, come gambas e vive nun estanque.

Xa estamos na escola.

2010-10-01T12:20:00.005+02:00

As bolboretas laretas xa superamos o periodo de adaptación e vimos o cole moi contentas.
Xogamos no patio, na clase, pasámolo moi ben.

Benvida ao curso 2010-2011

2010-09-08T12:40:00.003+02:00

As Bolboretas Laretas vimos á escola por primeira vez.
Ó longo do curso iremos vivindo moitas aventuras que vos imos ir mostrando neste blog.
Benvidos ó cole, comeza a nosa aventura diaria.

Bolboretas laretas

2010-07-01T11:53:00.012+02:00

Ese é o nome do noso blog, para o vindeiro curso, dos nenos e nenas de 3 anos do Ceip Noalla-Telleiro, no que contaremos o noso día a día e que tamén servirá como unha fiestra aberta aos pais e nais pola que voarán as nosas bolboretas.